Ek is 'n skip in die Baviaanskloof

    Voordat ons te oud word en nog kon kies om kinderdrome te vervul, wou ons die stad verlaat en op ‘n plaas bly. So het ons opgepak en getrek met alles wat ons het. Ons moes die oop-see aandurf wat toe eintlik die droeë karoo was. Die water het gelydelik om ons mooi skip opgedroog te midde ‘n aangaande droogte wat voor ons tyd begin het. Op ‘n dag erens tussen die toeriste pad en die teerpad, besef ek dat ons gestrand het in ‘n woestyn van pragtige majestueeuse berge en klipharte.

    Eers net skietgebedjies as daar wolke in die lug is. Tussen my kniee en die stof, begin ek te dors na Lewende Water. Hierdie behoefte was nie in my siel met ons aankoms op die vervalle plaas nie. Naderhand kom die smeekgebede van vergifnis oor die mense-gemors wat ons gekoop het saam met die verdorring. Ons word verder getrap en ek leer hoe om vir ons ongenaakbare bure te bid. Uiteindelik toe ek heeltemal plat is, sien gebede vir Herlewing lig. Ek bid vir reën en Herlewing vir die hele kloof, vanaf die N9 tot die N2 in Jeffreys, vir 6 jaar nie verniet nie.

    Saam met die seer kom ‘n groot hongerte na geregtigheid. Hoe meer dinge ondenkend skeef loop hoe meer smag ek na helder, helende Waarheid. Ons is verbeister deur die mense wat hulself oorgee aan skandelike drifte soos dit in Afrikaans beskryf word. Ag en dit was nie lank nie toe kom ek agter die locals het ons gemerk as inkomers. Aanvanklik word dit vermom as diegene wat nie hier gebore is nie, maar eventueel blyk dit dat dit ‘n voorkeur van geselskap is. Tog skuil die oorsprong van die ongeskrewe kulturele reg om te kies wie is in en wie is uit, net onder die vel. Soos alles vat dit tyd om te ontwikkel. ‘Geslote gemeenskap’ was vir my net artikel-woorde totdat my mooi skip in ‘n dig-toe plek kom vasval het. Of die brandmerkery in lyn staan met die Blye Boodskap of nie, mense wat spirituele blinheid kies sodat hul eie wil kan geld, is sout wat laf word.

    ‘n Gesoute kerkganger weet dat die Bybel en eie-kulturele maniere teenstrydig is, die punt van die evangelie. Albei kan nie op dieselfde tyd die Waarheid wees nie. Al stem almal met mekaar saam en maak dit so aanvaarbaar ondermekaar om die skyn van reg te hou. Hoe het dit dan gekom dat die Blye Boodskap kultuurvreemd geword in hierdie kloof- woestyn? Vir alles wat almal weet, lyk dit of daar nog nie ‘n besef is dat Jesus ‘n inkomer is nie. Jesus hou geselskap met inkomers wat Sy kinders is. As jy hulle wegwys, wys jy Hom weg. Die einste Koning van die Jode, Heilige van Israel, is ‘n Hebreuse man wat nie ‘n boere, Afrikaanse Christen is nie, al dink sommiges hulle het die Jode vervang in die Bybel. Hy is inderdaat die Hemelse Bedelaar wat die klowenaars die pad wys hoe om Hom te volg. Hy sien hoe inkomers as swart skape gereken word en waarop onberou gepen word. Die getroue Verlosser wys Sy manier van dinge doen en stel Sy kerk gereeld voor ‘n keuse: as jy nie vir My is nie is jy teen My. Volg My, doen dit op My Koningkryks-manier in die tyd wat daar vir jou gegee is.

    Jesus se manier was om die Heilige Gees as ons voortdurende Metgesel te stuur as Heilige Deelnemer in mense se lewens. As die Heilige Gees onteien word in ‘n geselskap, het Hy nie ‘n probleem as ‘n onwelkome inkomer om die binne-kring te verlaat nie. As hulle Barnabas bo Jesus gekies het, wie dink jy gaan hulle bo jou kies? En so wrintiewaar daar reën dit op ‘n slag! Man, die natuur reageer met jubelsang en eer aan die Heerser, die berge en bome basuin Sy eer uit, die rivier vloei met helder Lewe! Maar wat, die mense bly onveranderd, of nee, ongesteurd in aandrang dat dit nie die Skepper is wat aan harts-deure klop nie, dis net die natuur se manier. In werklikheid versterk dit lawwe ongeloof en lei tot meer harteloosheid.

 

Die regverdiges vra dan,

"Wanneer het ons jou 'n vreemdeling gesien en jou verwelkom?"

Christus antwoord,

"Voorwaar Ek sê vir julle, soos julle dit aan een van die minste van hierdie my broers gedoen het, het julle dit aan my gedoen."

    Jesus het die diere met ‘n sweep uit die tempelforum gejaag, wat die plek was waar die wêreld se nasies die God van Israel kon aanbid as onbesnydenis. Die standaard is, hoe lyk die hart van God teenoor diegene wat nie soos jy is nie. Van die begin af gee die Almagtige voorkeur aan die buite-nasies wat nie deel is van Israel se binne-sirkel nie. Sy patroon om die buitestaander en die swerfling hartelik binne te nooi en waarlik te verwelkom, het oorsprong in Sy eie identitieit as verwerpte God. Daarom hou Hy juis altyd ‘n deur oop vir almal. Deur Judah se ongeloof word die nasies ‘n kans gegun om ingeënt te word as wilde olyf takke, en dit net binne ‘n beperkte tydvlak. Die vaandel van handeldryf met toerisme-geld, is nie die wigpunt van gasvryheid nie. Ter wille van geld het Judas Jesus verraai.

    Die Vader stuur Jesus as ‘n soenoffer na elke vervreemde nasie toe. Jesus daag op as inkomer met ‘n huweliks-aanbod van Vrede en Vryheid. Sy lewe vir joune. Dit is die Vader se Verlossingsplan dat Sy Seun se Bruid bestaan uit elke nasie, stam, volk en taal. Dit is Sy droom vir elke mens op aarde, om by Sy tafel in Sy Koningkryk aan te sit. Almal is genooi maar nie almal verwelkom die Heilige Gees as geëerde gas nie. Ook nie Sy metgeselle nie. Sonder die Dominus krag van die Heilige Gees as ongewenste vreemdeling, raak die sout nutteloos en geskik vir uitgooi. Die mens kan nie in homself geloof opwek nie. Hy kan nie self besef en sien hoe naak en leeg hy geword het teenoor die mense wat God na hom toe stuur juis hieroor nie, want wat sien hy nou eintlik?

    Magriet het uitbundig vir my gesê, ‘ag moenie worry nie, ons is al 30 jaar hier en nog steed inkomers! Leef oor dit’. En sowaar sy en Piet het hulle lewens geien in die kloof, sy het nie geskroom om op te staan en gereken te word tot by haar strydpunt nie. Soos Griet, het Paulus talle gevare trotseer. Al sy seereise was nie net verfrissende briese en uitgestrekte horisonne nie. Hy het 3 keer skipbreuk gely en ’n hele nag en dag op die oop see oorleef. Op ‘n dag ontmoet Paulus Sy Meester. Slegs toe hy sy eie krag heeltemal verloor het, het hy tot inkeer kom. Hy het nie geweet wat op hom wag ten einde die Blye Boodskap van God se Koninkryk te verkondig nie, maar was bereid om teen al die voor-winde te beur. Anders as Magriet hulle, is ons maar onlangs eers hier ingevoeg te midde die aangaande kloof-storie, selfs tot ons verbasing! Ons ronde pen en die vierkantige gat pas mekaar steeds nie. Ek vermoed die rede hoekom Hy ons hierna toe trekpas gegee het.

    Ek verstaan deur die Ou Testamentiese voorbeeld, dat spysoffers aan God ook met sout moes voorberei word. Die simboliese betekenis spreek van ‘n geestelike waarheid wat by die mens moes vestig dat God Gees is. Dit wat jy aan God offer moet aanneemlik wees vir Hom as Heilige Gees. ‘n Offer is altyd duur. 'n Opoffering wat vir Jesus aanneemlik is, is ‘n besnyde hart wat wegstaan van die eie-ek maniere. 'n Siel wat angstig dors en honger na Hom. Hy verduidelik Sy manier vir die wat Hom wil volg, wees bereid om sout te wees en dus as sout gebruik te word. In Sy tyd was een van die gebruike om fisies sout op menslike afval te gooi om dit te steriliseer. Die beeldspraak vra dat gesoutes die gevolge van morele verval en geestelike agteruitgang daadwerklik teenwerk. En as die sout nie meer lewensvatbaar is nie, is dit selgs van nut om buite Sy Koningkryk vertrap te word waar Satan di opperhand het. Satan is boos maar nie dom nie. Hy is wetties tot in die fynste detail en vergeet nooit niks nie. Hy sal jou aanklae tot in die geringste. Net soos God en die engele, is hy en die demone, geestelike wesens. Eenige gemeenskap wat interne twis ontwikkel sal uiteindelik self vernietig. Selfs in Satan se domein werk dit so. Hy is bo alles verbind tot sy eie selfbehoud en hou die demone onder sy mag waar sy magdom nie bedreig of verminder word nie. En God haat die wat tweespalk veroorsaak en onderhou. Hoe bekend klink dit?

En elke keer as die onreine geeste Hom sien, het hulle voor Hom neergeval en geskreeu en gesê:

U is die Seun van God!

    Dit pas Satan uitstekend dat die Heilige Gees ontken word want Hy is die krag van gelowiges om in Eenheid met hul Vader te bly asook om met ander gelowiges in Eenheid te leef. En daar, die HereHere vind groot behae in sout en in Eenheid!

    Sela – staan stil en dink hieroor

    Wanneer Eenheid in die Heilige Gees verbreek word deur die enorme punt wat die inkomers-ysberg eintlik verklap, word die werk van die Heilige Gees verwerp. Ondenkbaar dat God se voorsienning vir Sy kinders verwerp word. Maar as jy nie ‘n kind is nie maak dit nie saak nie. Handelinge is geskryf en ingesluit in die Volle Evangelie, vir die wat glo en wat kinders wil wees.

 7:7 Daar was 'n plaas in daardie omgewing wat aan die hoof van die eiland, 'n man met die naam Publius, behoort het. Hy het ons vriendelik ontvang en ons drie dae lank as sy gaste gehuisves. 8Publius se pa was in die bed, siek aan maagkoors. Paulus het na hom toe gegaan, en nadat hy gebid het, het hy hom die hande opgelê en hom gesond gemaak.

28:23 Van vroeg die môre tot laat die aand het Paulus die koninkryk van God vir hulle verduidelik en hulle uit die wet van Moses en uit die profete probeer oortuig van Jesus. 24Deur sy uiteensetting het daar party oortuig geraak, maar ander wou nie glo nie. 25Hulle was dit nie met mekaar eens nie en het weggegaan, maar Paulus het nog eers dít vir hulle gesê:

 “Hoe waar is dit tog wat die Heilige Gees by monde van die profeet Jesaja vir julle voorvaders gesê het! 26Hy het gesê: “Gaan na hierdie volk toe en sê vir hulle:

Julle sal hoor en hoor en tog niks verstaan nie; en kyk en kyk en tog niks sien nie. 27Hierdie volk se verstand is afgestomp:

hulle het hulle ore toegedruk en hulle oë toegemaak,

sodat hulle nie met hulle oë kan sien en met hulle ore kan hoor

en met hulle verstand verstaan en hulle bekeer en Ek hulle gesond maak nie.

28“Julle moet nou goed verstaan dat God se boodskap van redding na die heidennasies toe gestuur word. Húlle sal luister.”

Wat bly van die mens oor sonder God se Geestes teenwoordigheid? ‘n Geskende beeld van ‘n Skepper wat nie alomteenwoordig is nie, wat nie almagtig is nie, wat nie bevoeg is nie, wat nie betrokke is nie, wat nie goed genoeg is vir die kloof nie, wat nie van ander afgode onderskei kan word nie. Niemand kom eens agter dat Hy die stoor verlaat het nie. Wag, laat ek bid vir HERLEWINGS-REëN om op my uitgediende droeë skip te val, die hout saf maak sodat dit kan een word met die kloofsand, want die ou skip kan nie die nuwe seisoen hou nie, dit gaan ‘n Rooi Ferrari* vat om hierdie berge te omseil.

 

*Evangelistiese Bedienning